Är täämbä uutku

 Sa minnu täämbä är uutku

ma taakõrd su mano tulla ei saa'

om kevväi mu pääle peris marun

torm lahk tammõpuid ja iä räyskäs yle mu maa

Ka hummõn minnu är uutku

ma varravalgõst tan joosõ yyaoni

aid kraami ja paranda katus

tulõ õkva pääle räyssä, mitte uuta ilusamba aoni

Ylehummõn olõ' ja ooda'

kõik mul tetty ja valmis maailm

käy sannan ja hammõ panõ sälgä

mis säräs kõigin värmen ku jaanipääväne ilm

R:

är täämbä uutku, om valgõt aigu vähä

ma piä tan saisma ja parandama ilma

liig pallo joostõn ma muidu mõtsa lähä

är täämbä uutku, om valgõt aigu vähä

04.05.2024

p.s. yle kuu ao tagasi pähä tykny laalu viisijupp om meelest länny, a ku aigu om, sõs rytmi e sammu perrä saa hõlpsahe vahtsõ ehitä.